Publi Readers
All about truth & reality in surrounding & in universe.

काम नगर्ने ठेकेदारलाई कारवाही गर्न प्रधानमन्त्रीसँग मेयर सिंहको माग

15

 

वीरगन्ज
वीरगन्ज महानगरपालिकाका मेयर राजेशमान सिंहले विकास निर्माणका काम समयमै नसक्ने ठेकेदारलाई कानुनी कारबाहीको दायरामा ल्याउन सरकारसँग माग गरेका छन्।

साेमबार वीरगन्जमा आयाेजित प्रेस संगठन नेपालकाे २० ओैं स्थापना दिवस तथा राष्ट्रिय परिषद बैठककाे उद्घाटन सत्रलाई सम्बाेधन गर्दै मेयर सिंहले कार्यक्रममा सहभागी प्रधानमन्त्री पुष्पकमल दाहाल प्रचण्डसंग यस्ताे आग्रह गरेका हुन्।

प्रधानमन्त्री प्रचण्डलाई आग्रह गर्दै मेयर सिंहले भने,` ठेक्का सम्झाैता गरेर समयमा विकास निर्माणका काम नगर्ने ठेकेदारकाे प्रवृत्ति स्थानीय तहका लागि ठूलाे चुनाैती भएकाे छ।त्यसकारण कानून संशाेधन गरेर भएपनि समयमा काम नसक्ने ठेकेदारलाई कानूनी कारबाहीको दायरामा सरकारले ल्याउनु पर्छ।´

फरक प्रसंगमा मेयर सिंहले पत्रकारीतामा सुधारकाे आवश्यकता रहेकाे पनि बताए।पित पत्रकारिता बढेकाेमा चिन्ता व्यक्त गर्दै उनले भने,पत्रकार आफैं अदालत,आफैं न्यायाधीश ,आफैं अख्तियार बनेर समाचार लेख्ने गरेका छन्।याे गम्भीर चिन्ताकाे विषय हाे।यसमा पत्रकारले ध्यान दिनुपर्ने आवश्यक छ।

स्थानीय तहमा पाँच वर्ष काम गर्नका लागि जनप्रतिनिधिहरु निर्वाचित भएकाे भए पनि दुई वर्ष वितिसक्दा समेत आवश्यक कर्मचारी अभावमा काम गर्न नसकिएको भन्दै तत्काल कर्मचारी पूर्तिको व्यवस्था मिलाइदिन आग्रह गर्नु भयो ।

वीरगन्जका श्रमजीवी पत्रकारहरुका लागि वीरगन्ज महानगरपालिकाले थुप्रै काम गरिरहेकाे उनले जानकारी गराए । वीरगन्ज महानगरपालिकाले आमसञ्चार प्राधिकरण गठन गर्नुका साथै लाेक कल्याणकारी विज्ञापन वितरण , ज्येष्ठ पत्रकारका लागि पेन्शनकाे व्यवस्था , पत्रकारका लागि आपतकालीन् काेष स्थापना लगायतका काम गरेकाे उनले सुनाए ।

प्रेस संगठनका केन्द्रीय अध्यक्ष विष्णु सापकाेटाकाे अध्यक्षता तथा प्रधानमन्त्री प्रचण्डको प्रमुख आतिथ्यतामा भएकाे उद्घाटन कार्यक्रममा नेकपा माओवादी केन्द्रका उपाध्यक्ष अग्निप्रसाद सापकाेटा,उपमहासचिव मातृका यादव,सचिव लिलामणी पाेखरेल लगायतलेपनि सम्बाेधन गरेका थिए ।

Leave A Reply

Your email address will not be published.