वीरगञ्ज
वीरगञ्ज महानगरपालिकाले शुक्रबार शोक बिदा दिएको छ ।
महानगरको वडा नम्बर १४ मा कार्यालय सहयोगीको रुपमा कार्यरत जितेन्द्र कुमार कुर्मीको निधन भएकोले शोक बिदा दिएको वीरगञ्ज महानगरपालिकाले जनाएको छ ।
शुक्रबार महानगर र अन्तर्गतका वडा समितिको कार्यालयमा अत्यावश्यक सेवा बाहेक अन्य सेवा बन्द गरेको प्रमुख प्रशासकीय अधिकृत लक्ष्मी पौडेलले बताए ।
कुर्मीको गएको १६ गते निधन भएको थियो । शुक्रबार तेर्हौं दिनको पुण्य तिथि पारेर महानगरले शोक बिदा दिएको हो ।
महानगरले शुक्रबार ११ बजे शोकसभा समेत राखेको छ ।