७ भदौ, काठमाडौं । नेकपा एकीकृत समाजवादी दल दर्ता गराएका पूर्वप्रधानमन्त्री माधवकुमार नेपालको साथ छोडेका नौ जना स्थायी कमिटी सदस्यहरूसँग नेकपा एमालेका अध्यक्ष केपी शर्मा ओलीले दशबुँदे सहमति कार्यान्वयनको प्रतिबद्धता जनाएका छन् ।
आफ्नै निवास बालकोटमा सोमबार चार घण्टाभन्दा लामो सम्वाद गरेका ओलीले दशबुँदे सहमति कार्यान्वयन गर्ने प्रतिबद्धता जनाएका हुन् । तर कसरी कार्यान्वयन गर्ने भन्नेबारे भने मंगलबारको स्थायी कमिटी बैठकबाट तय हुनेछ । ‘दशबुँदे सहमति कार्यान्वयनको कस्तो प्रस्ताव आउँछ, त्यसमा भर पर्छ’, एक स्थायी कमिटी सदस्य भन्छन् ।